-

5 Ֆիլմ Անգլերեն Սովորելու Համար

Անգլերեն սովորելու ամենահաճելի մեթոդներից մեկը ֆիլմեր դիտելն է։ Ահա, թե ինչ առավելություններ ունի այս մեթոդը.

Լսել ու սովորել «իրական» անգլերեն. դպրոցում մենք սովորում ենք 19.30-ը ասել “Half past seven” մինչդեռ այժմ ոչ ոք չի օգտագորոծում այս կառույցը։ Փոխարենը՝ պետք է ասել “Seven thirty.” Ահա այսպիսի մանրուքներն են, որ խոսքը ավելի գրագետ են դարձնում ու դրանց կարելի է հանդիպել հենց ֆիլմերում։

Լսել բառերի արտասանությունը, հնչերանգը և շեշտադրությունը. Էլ ինչպես կարելի է սովորել ինչպես արտասանել այս կամ այն բառը, արտահայտել զարմանքը կամ ուրախությունը, եթե ոչ տեսնելով, թե ինչպես են դա անում մեր սիրելի դերասանները։

Սովորել բառերը կոնտեքստում.  «օգնել» բառը անգլերենում մի քանի հոմանիշներ ունի։ Այդ հոմանիշների կիրառությունը լավագույնս կտպավորվի, եթե լսենք դրանք համապատասխան կոնտեքստում։

Ահա մի քանի ֆիլմ, որ խորհուրդ են տալիս դիտել անգլերեն սովորելիս.

Եթե ֆիլմերի մոլի երկրպագու ես ու բաց չես թողնում ոչ մի «Օսկար» մրցանակաբաշխություն, ապա վստահ եմ, որ տեսել ես այս ֆիլմը։ Իսկ եթե ոչ՝ ապա շատ ավելի լավ։ Ոչինչ ավելի լավ չի կարող սովորեցնել անգլերենի արտասանությունը, քան բրիտանական արտադրության այն ֆիլմը, որտեղ հենց թագավորն է սովորում խոսել։ Թոմ Հուպերի քառակի օսկարակիր ֆիլմը պատմական դրամա է Ջորջ Վեցերորդի գահակալության մասին։ 

Ֆանտաստիկայի ժանրի սիրահարները քաջածանոթ են բրիտանացի հեղինակ Րոուլինգի յոթ մասից բաղկացած այս ստեղծագործությանը, որի առաջին էկրանավորումից արդեն մոտավորապես երկու տասնամյակ է անցել։ Բացի նրանից, որ կախարդ Հարրիի և նրա ընկերների պատմությունները անխնա կլանում են իրենց հետաքրքրությամբ, մասնագետները համարում են, որ այս ֆիլմաշարը հիանալի միջոց է անգլերենի իմացությունը բարելավելու համար։

Հնչյունաբանության մի հպարտ պրոֆեսոր որոշում է անգրագետ աղջկան դասեր տալ ու ներկայացնել նրան բարձր հասարակությանը։ Անցյալ դարի մյուզիքլների սիրահարները վստահաբար կգնահատեն այս ստեղծագործությունը, որի հիմքում Բերնարդ Շոուի «Պիգմալիոն» չքնաղ պիեսն է։

Ռոմանտիկ կատակերգություն աշխարհի ամենաճանաչված դերասանուհու և Նոթինգ Հիլում գրախանութի տիրոջ սիրավեպի մասին։ Եթե դեռ չես դիտել Ռոջեր Միշելի հայտնի ֆիլմը, ապա մի կրակոցով երկու նապաստակ սպանելու իրական ժամանակն է։ Վայելիր Ջուլիա Ռոբերթսի հիասքանչ խաղն ու սովորիր անգլերեն հենց նրա շնորհիվ։ 

Միամիտ բայց արդարամիտ Ֆորեսթ Գամփի պատմությունը հիանալի միջոց է ծանոթանալու հյուսիսային Ամերիկայի մշակութային ու սոցիալական կյանքին ու հարստացնելու անգլերենի բառապաշարը։ 

  1. Ֆիլմերը օգնում են անգլերեն սովորել, եթե միայն որոշակի մակարդակի գիտելիքներ ունես։ Սկսնակներին խորհուրդ է տրվում դիտել ուսուցողական հոլովակներ։

  2. Եթե արդեն դիտել ես ֆիլմը, ապա դա նաև առավելություն է։ Այժմ կարող ես միացնել ենթագրերը ու կենտրոնանալ հենց բառապաշարի, ոչ թե տեսարանների վրա։

  3. Երբ ֆիլմը դիտում ես ուսուցողական նպատակով, ձեռքիդ տակ թուղթ ու գրիչ ունցեիր և դուրս գրիր անծանոթ բառերն ու արտահայտությունները, որպեսզի ստուգես դրանք բառարանում։

Հետևիր բլոգի թարմացումներին, որպեսզի իմանաս անգլերենի ուսուցմանը նպաստող լավագույն ուսուցողական հոլովակների, փաստագրական ֆիլմերի, գրքերի, մուլտֆիլմերի, խաղերի և ամեն ինչի մասին…

Իսկ մինչ այդ, գուցե քեզ նաև այս հոդվածները հետաքրքրեն

Ինչո՞ւ և ինչպե՞ս դառնալ TED խոսնակ
Բարելավում ենք անգլերենի բառապաշարը
5 պատճառ, թե ինչու են բոլորը անգլերեն սովորում