Programming

Programmierung

Ծրագրավորում

Программирование

42 Երևան ծրագրավորման դպրոցի գրանցումը արդեն բաց է 🎉: Բայց ինչպես յուրաքանչյուր դիմորդ, դու, վստահաբար, հարցեր ունես: Մենք քեզ հրավիրում ենք հանդիպման, որի ընթացքում կպատմենք ամեն ինչ 42 Երևանի, դրա հեղափոխական կրթական ծրագրի, 42-ի համաշխարհային ցանցի ու ծրագրավորման ոլորտում քո փայլուն ապագայի մասին: Սպասում ենք մարտի 12-ին` հինգշաբթի օրը, ժամը 18:30 Թումո Երևանում: Մուտքն ազատ է:

For all interested

42 Երևան

Thursday

Ամեն ինչ 42 Երևանի մասին

### **Ինչպես դառնալ 42-ի ուսանող**

42 Երևանը ամբողջովին անվճար է: Ուսանող դառնալու համար ծրագրավորման ոլորտում գիտելիքների, դիպլոմների ու փորձի առկայությունը պարտադիր չէ: Ուսանողից միայն պահանջվում է լինել նվազագույնը 18 տարեկան, տրամաբանող, հետաքրքրասեր և պատրաստ իր կրթությանը նվիրել 1-3 տարի: Դիմելիս հարկավոր է հաջողությամբ անցնել առցանց տրամաբանության թեստը, մասնակցել գրանցման հանդիպմանը և ընդգրկվել մեր Ավազանում:

### **Կրթական ծրագիրը**

42-ի կրթական ծրագիրը հիմնված է խաղային դիզայն ունեցող, ինքնուսուցողական պլատֆորմի վրա, որտեղ ուսանողները իրականացնում են գործնական առաջադրանքներ և կատարելագործում իրենց հմտությունները թիմային աշխատանքով:
Ուսումնական պլանը առաջարկում է 100-ից ավելի նախագիծ, որոնք անընդհատ թարմացվում ենհամապատասխանեցվելով ոլորտի նորագույն պահանջներին: Ուսանողներին սպասում է կրթական 3 փուլ հիմունքներ, մասնագիտացում և պրակտիկա:

42 Yerevan ընդունելություն

42 Երևանը ծրագրավորման անվճար դպրոց է, որի նպատակն է կրթել ոլորտի ապագա լավագույն մասնագետներին: Եվրոպական միության կողմից ֆինանսավորվող ԵՄ Թումո ինժեներական և կիրառական գիտությունների համալիրի գլխավոր նախագծերից մեկի` Թումո լաբորատորիաների, մաս կազմող կենտրոնն իր տեղն է գտել ֆրանսիական առաջատար 42 ծրագրավորման դպրոցների ցանցում, որում արդեն իսկ ընդգրկված են Սեուլը, Ռիո դե Ժանեյրոն, Մոսկվան, Ամստերդամը և 16 այլ քաղաքներ ամբողջ աշխարհում:

Մանրամասների համար՝
www.42yerevan.am