Կրթական ծրագրի տևողությունը մեկ ակադեմիական տարի է՝ երկու կիսամյակով (սեպտեմբեր-դեկտեմբեր, հունվար-մայիս)։ Դասերը կազմակերպվելու են երկուշաբթիից շաբաթ՝ երկու հերթափոխով. 10:00 – 13:00 և 14:30 – 17:30։ 

Լրագրություն

Журналистика

Հետք Մեդիա Գործարանը սկսել է 2021-2022 ուս. տարվա ընդունելությունը:

Լրագրությունն արագ փոփոխվող, գիտության և տեխնոլոգիայի հետ հեշտությամբ համադրվող մասնագիտություններից է։ Եթե ցանկանում ես դառնալ մրցունակ մասնագետ մեդիայի և հարակից ոլորտներում, ձեռք բերել ոչ միայն տեսական, այլև գործնական և կիրառական գիտելիքներ, զարգացնել և իրագործել անսահմանափակ նոր գաղափարներ, դարձիր Հետք Մեդիա Գործարանի ուսանող:

**Հետք Մեդիա Գործարանում սովորելն անվճար է։**

Այս տարի կենտրոնանալու ենք **հետաքննական և տվյալների լրագրության վրա**։ Եթե պրպտող ես և սիրում ես հետաքննել սոցիալական կարևորության թեմաներ, դիմիր Հետք Մեդիա Գործարանի կրթական ծրագրին, որտեղ հմտություններդ կարող ես դարձնել մասնագիտություն։

Կիրառելու ենք նորարարական և մուլտիմեդիա գործիքներ՝ հետաքննություններն առավել պարզ և ուշագրավ դարձնելու համար։

### Նախնական դասացուցակ

Ըստ նախնական կրթական ծրագրի՝ մեզ մոտ դասավանդվելու են հետևյալ առարկաները․

🔸 լրագրության ներածություն,
🔸 հետաքննական լրագրություն,
🔸 տվյալների լրագրություն,
🔸 փաստերի ստուգում,
🔸 տեխնոլոգիան լրագրության մեջ,
🔸 աշխարհագրական տեղեկատվական համակարգեր (GIS),
🔸 մուլտիմեդիա լրագրություն,
🔸 գրելու հմտություններ,
🔸 տնտեսական լրագրություն,
🔸 դիզայն և վիզուալիզացիա,
🔸 քննադատական և ստեղծարար մտածողություն,
🔸 էթիկա և մեդիա օրենսդրություն։

Կրթական ծրագրի տևողությունը մեկ ակադեմիական տարի է՝ երկու կիսամյակով (սեպտեմբեր-դեկտեմբեր, հունվար-մայիս)։ Դասերը կազմակերպվելու են երկուշաբթիից շաբաթ՝ երկու հերթափոխով. 10:00 – 13:00 և 14:30 – 17:30։

### Անհրաժեշտ պայմանները

Հետք Մեդիա Գործարանում կարող են սովորել`

🔸 լրագրության կամ այլ ֆակուլտետների ուսանողները,
🔸 գործող և ֆրիլանս լրագրողները,
🔸 մեդիա ոլորտով հետաքրքրված անձինք։

### Կարող եք դիմել, եթե

🔸 18 տարեկանից բարձր եք,
🔸 կարող եք օրական 4-6 ժամ հատկացնել դասերին և հանձնարարությունների կատարմանը,
🔸 պահպանում եք վերջնաժամկետները,
🔸 ունեք անգլերենի իմացություն,
🔸 պատրաստ եք աշխատել լրագրությանը հատուկ անկանխատեսելի իրավիճակներում,
🔸 գնահատում եք կրթվելու, անձնական աճի և մասնագիտական կարողությունների զարգացման կարևորությունը,
🔸 ճկուն եք նորարարությունների, փոփոխությունների և տարբերությունների ընկալման հարցում։

### Ընտրություն՝

🔸 նախնական դիմում-հայտերի ընտրություն,
🔸 հարցազրույց և տեղում հանձնարարություն,
🔸 վերջնական ընտրություն և հաստատում։

Հայտերի ընդունման վերջնաժամկետը` օգոստոսի 1, 2021թ․։

_Նախագիծն իրականացնում է «Հետաքննող լրագրողներ» հասարակական կազմակերպությունը։ Նախագիծը ֆինանսավորվում է ԱՄՆ պետքարտուղարության Հասարակայնության հետ կապերի գրասենյակի դրամաշնորհի շրջանակներում: Հետք Մեդիա Գործարանի երկրորդ ակադեմիական տարվա մեկնարկը կախված է ֆինանսական միջոցների առկայությունից։_

Նորարարական մեդիա դասընթացներ

Journalism

Morning

Afternoon

Monday

Tuesday

Wednesday

Thursday

Friday

Saturday

course

Kurs

Course/workshop

Դասընթաց/վորքշոփ

Курс/Воркшоп

Դասընթացի օրեր և ժամեր

Կոռուպցիայի լուսաբանման երեկոյան դպրոցը բաղկացած է **տեսական և գործնական մասերից**։

Տեսական դասընթացը տևելու է մեկ ամիս՝ **սեպտեմբերի 7 – հոկտեմբերի 1-ը՝ երկուշաբթիից հինգշաբթի օրերին, ժամը 19։00-21։00-ն։**

Երկուշաբթի և երեքշաբթի օրերին մասնակիցներն անցնելու են թեմատիկ դասընթաց, չորեքշաբթի օրերին՝ տեղի է ունենալու հրավիրյալ բանախոսի հետ քննարկում, իսկ հինգշաբթի օրերին՝ մասնակիցները միասին դիտելու են ֆիլմեր։

Գործնական փուլը տևելու է երկու ամիս՝ հոկտեմբեր-նոյեմբեր, որի ընթացքում մասնակիցները փոքր խմբերով կուսումնասիրեն իրենց ընտրած թեմաները և կհրապարակեն հոդվածներ Հետքի և Հետք Մեդիա Գործարանի կայքերում։ Գործնական աշխատանքի ընթացքում մասնակիցներին օգնելու են մենթորները՝ ըստ ոլորտի և թեմայի

**Գործնական փուլում արված աշխատանքի դիմաց մասնակիցները վարձատրվելու են։**

Կոռուպցիայի լուսաբանման երեկոյան դպրոցում սովորելու են 15 մասնակից, որոնք ընտրվելու են մրցութային կարգով՝ հայտերի հիման վրա։

Կոռուպցիայի լուսաբանման երեկոյան դպրոցի ծրագրին կարող են դիմել՝

- գործող լրագրողները,
- քաղաքացիական հասարակության ներկայացուցիչները,
- պետական և տեղական ինքնակառավարման մարմինների աշխատակիցները,
- ուսանողները։

Հայտերի ընդունման վերջնաժամկետը 2020 թվականի օգոստոսի 15-ն է։ Դասընթացը հաջողությամբ ավարտելու դեպքում՝ մասնակիցները կստանան հավաստագրեր։

Հարցերի դեպքում կարող եք զանգահարել +374 44 20 20 48 հեռախոսահամարով կամ գրել հետևյալ էլ. փոստին՝ [info@mediafactory.am](mailto:info@mediafactory.am)։

Մեդիան մշտապես համարվել է կառավարության աշխատանքը վերահսկող կարևորագույն օղակ։ Հանրային վերահսկողության մեխանիզմների թուլացման պայմաններում՝ անգամ ամենավստահելի կառավարությունները կարող են ձախողել թափանցիկ կառավարման, կոռուպցիայի կանխարգելման և հաշվետվողականության մեխանիզմների ձևավորման գործընթացը։ Մեդիայի հրապարակումների շնորհիվ աշխարհի տարբեր երկրներում, այդ թվում նաև Հայաստանում, բացահայտվել են կոռուպցիոն խոշոր գործարքներ, հրաժարական են տվել պաշտոնյաներ։

Հայաստանի կառավարության որդեգրած հակակոռուպցիոն քաղաքականությունը կարող է իրագործվել գիտելիքահեն և ուժեղ մեդիայի օգնությամբ, որը, բացի կոռուպցիոն գործընթացների բացահայտումից, պետք է նաև հանրությանը իրազեկի հաշվետվողական կառավարման պրոցեսների վերաբերյալ։

Հետք Մեդիա Գործարանը նախաձեռնել է Կոռուպցիայի լուսաբանման երեկոյան առցանց դպրոցը, որի նպատակն է ստեղծել համագործակցային կրթական միջավայր, որտեղ գործող/ապագա լրագրողները, քաղաքացիական հասարակության ներկայացուցիչները և պետական հատվածի աշխատակիցները ինտերակտիվ մեթոդով կուսումնասիրեն «կոռուպցիա» երևույթը։

**Կոռուպցիայի լուսաբանման երեկոյան դպրոցում սովորելն անվճար է։**