«Ֆենիքս» գրախանութը մեր քաղաքի կենտրոնում մի նոր լուսավոր ու խելացի անկյուն է: Այս լուսավոր և ընդարձակ սրահներով գրախանութը տեղակայված է ուսանողական ամենաբանուկ խաչմերուկում և ուսանողությանն առաջարկում է միաժամանակ որակյալ ու մատչելի գրենական պարագաներ: 

«Ֆենիքս» գրախանութը հոգ է տարել նաև դպրոցականների մասին՝ առանձին ընդարձակ սրահ հատկացնելով ռուսական և եվրոպական լավագույն արտադրողներից ձեռք բերված գրենական պիտույքների լայն տեսականին ներկայացնելու համար: 

Մեր ընթերցասեր հաճախորդներն այստեղ կարող են գտնել հայկական հրատարակչության գրեթե բոլոր գրքերը, որոնց ցանկը մենք պարբերաբար թարմացնում ենք՝ մեր գրքերի հավաքածուն համալրելով ինչպես նոր, այնպես էլ արդեն դասական ու սիրված անուններով: 

«Ֆենիքս» գրախանութում իրենց հարցերի պատասխանները կարող են փնտրել նաև ամենատարբեր ոլորտի մասնագետները, քանի որ խանութն առաջարկում է մասնագիտական գրականության ընդարձակ հավաքածու: 

Եթե որոշել եք նոր լեզու սովորել կամ հարստացնել օտար լեզվի ձեր գիտելիքները, այստեղ կարող եք գտնել անհրաժեշտ ամենատարբեր ռեսուրսները՝ բառարաններից մինչև օտար լեզու սովորելու ժամանակակից ձեռնարկներ: 

Մենք չենք մոռացել նաև մեր սիրելի փոքրիկներին և առաջարկում ենք հայերեն ու ռուսերեն լեզուներով գունագեղ մանկական գրքերի ու հեքիաթների ընդարձակ տեսականի: 

«Ֆենիքս» գրախանութը ռուսական Феникс + ապրանքանիշի պաշտոնական ներկայացուցիչն է Հայաստանում։

Գրախանութը տրամադրում է նաև պատճենահանման, սկանավորման, տպագրության և մի շարք այլ հարակից ծառայություններ: 

Phoenix stationery / Ֆենիքս գրախանութ