-

Is it Autumn or Fall? Բրիտանական, թե՞ ամերիկյան անգլերեն

Ի՞սկ դու biscuits ես սիրում, թե՞ cookies։ Կրո՞ւմ ես trousers թե՞ pants։

Անգլերենին երբևէ առնչված մարդիկ գիտեն, որ եթե այլ լեզուներում մարդիկ շարունակ սովորում են նույն բառի տարբեր հոմանիշները, ապա անգլերենի դեպքում՝ մենք անընդհատ բացահայտում ենք այս լեզվի տարածքային վարիացիաները։

Անգլերենի ամենատարածված երկու տարբերակները ամերիկյան և բրիտանական անգլերեններն են։ Այս երկու տարբերակների միջև տարբերությունները հիմնականում արտահայտվում են հենց արտասանության մեջ և բաապաշարում։ 

Թեև Հայաստանի բուհերում և այլ ուսումնական հաստատություններում հիմնականում դասավանդում են բրիտանական անգլերեն՝ համարելով այն «դասական», ամերիկյան անգլերենից խուսափել, այնուամենայնիվ, չի ստացվի։ Հենց ամերիկյան անգլերենն է համացանցի, ամենահայտնի շոուների ու, ի վերջո, խոշորագույն պետություններից մեկի լեզուն։

Թե՛ մասնագետները, թե՛ լեզուն ուսումնասիրողները հաճախ են բախվում այն հարցին, թե ամեն դեպքում որ անգլերենն է ավելի ճիշտ դասավանդել ու սովորել։ Այսօր կպատմեմ, թե

  • Որոնք են ամերիկյան ու բրիտանական անգլերենի հիմնական տարբերությունները,
  • Որ դեպքում է պետք սովորել բրիտանական անգլերեն և որ դեպքում՝ ամերիկյան։

Ինչպես արդեն նշեցի, այս երկու տարբերակների միջև տարբերությունը ամենավառ արտահայտությունը գտնում է հենց բառապաշարում։ 

Այս թեստով կարող ես պարզել, թե որքան լավ գիտես ամերիկյան ու բրիտանական անգլերենի տարբերությունները ու սովորել նրանք, որոնք դեռ չգիտեիր։

Բացի բառապաշարից, որոշ էական տարբերություններ կան նաև ուղղագրության մեջ։


Քերականության մեջ ամենահայտնի տարբերությունն այն է, որ հավաքական գոյականները բրիտանական անգլերենում կարող են ստանալ և եզակի, և հոգնակի թիվ, իսկ ամերիկյան անգլերենում դրանք միայն հոգնակի թիվ են ստանում։

Այս հարցի պատասխանն իմանալու համար անհրաժեշտ է նախ պարզել, թե ինչ նպատակով ես անգլերեն սովորում, ինչ միջավայրում ես ապրում ու ինչպես ես օգտագործելու լեզվական գիտելիքներդ։

Արի միասին պարզենք

  • Պատրաստվում ես IELTS քննություն հանձնել։
  • Պատրաստվում ես սովորել Մեծ Բրիտանիայի համալսարաններից մեկում, օրինակ՝ UCL-ում։
  • Շփվում ես բրիտանացիների հետ։
  • Ներկա աշխատանքդ կամ կարիերայիդ մասին պատկերացումները կապ ունեն Մեծ Բրիտանիայի հետ։
  • Եթե սիրում ես բրիտանական շոուներ դիտել, ինչպես օրինակ X Factor-ն է կամ լուրերը լսել ու դիտել BBC-ով։
  • Ուզում ես TOEFL քննություն հանձնել,
  • Պատրաստվում ես կրթությունդ շարունակել ԱՄՆ-ում,
  • Աշխատանքդ ուղիղ կապ ունի համացանցի հետ, շփվում ես ամերիկացիների հետ, կամ ցանկանում ես առցանց դասընթացներ անել։
  • Սիրում ես ամերիկյան ֆիլմեր ու հեռուստաշոուներ դիտել, օրինակ The Ellen’s Show-ն։

Քանի որ լեզուն ճկուն համակարգ է, միևնույն է, չես կարող սովորել մաքուր բրիտանական կամ մաքուր ամերիկյան անգլերեն, չէ որ հենց լեզվակիրներն էլ երբեմն օգտագործում են միմյանց բառապաշարը կամ արտասանությունը։

Միկիի ու Պեպայի զրույցից ավելի հետաքրքիր ու զվարճալի է Հայաստանում Բրիտանիայի ու Ամերիկայի դեպանների զրույցը, որոնք համաձայնության են գալիս միայն մեկ հարցի շուրջ, որ …

It’s fall and it’s autumn. It depends where you are!!!

Չմոռանաս կարդալ նաև՝